შეფასების რუბრიკა

მოსწავლეთა თვითშეფასების სქემა ქართულში

თემა: ოთარ ჭილაძე „ადამიანი გაზეთისსვეტში“

1.    ბიოგრაფია და მთესველის იგავი ვიცოდი, მაგრამ მასწავლებელმა გამისწორა გრამატიკული ხარვეზი, კერძოდ, რაოდენობის აღმნიშვნელი სიტყვის არსებითთან სწორად გამოყენების შესახებ;

2.    მასწავლებლის მიერ დამატებით დასმულ კითხვებს სწორად ვუპასუხე;

3.    ჩემი ლექსიკური მარაგი მწირია, რაც ჩანს აზრის დამოუკიდებლად გამოთქმისას. მომიწევს ამ ხარვეზის შევსება;

4.    ვმეტყველებ ჩქარა, რაც მოსმენისას აზრის არასწორად აღქმას იწვევს. პაუზებზე და ლოგიკურ მახვილებზე მომიწევს ყურადღების გამახვილება;

5.    ვცდილობ არგუმენტირებულად ვისაუბრო;

6.    განსხვავებულ აზრს ვითვალისწინებ;

7.    როცა სხვა ლაპარაკობს, ყურადღებით ვუსმენ;

8.    მაინტერესებს სხვისი აზრი;

9.    ვცდილობ განსხვავებული აზრის დაფიქსირებისას კამათი ჩხუბში არ გადაიზარდოს.

გავითვალისწინებ მასწავლებლის ყველა შენიშვნას, რომ დავხვეწო მეტყველება და გავამდიდრო ლექსიკური მარაგი.

შეფასების კრიტერიუმები თემისათვის–ოთარ ჭილაძის ბიოგრაფია და მთესველის იგავი

·         შეუძლია ტექსტის სრულყოფილად გადმოცემა,თხრობა.–

უყურადღებოდ არ ტოვებს მოსათხრობი ტექსტის მნიშვნელოვან ადგილებს–4 ქულა.

·         შეუძლია ტექსტის ანალიზი თვითონ ან სწორად პასუხობს მასწავლებლის მიერ ამ მიზნით დასმულ კითხვებს.–3 ქულა.

·         აქვს თანმიმდევრული,გამართული მეტყველება.–4ქულა.

მასწავლებლის თვითშეფასება

·         შევძელი თუ არა წინარე მასალის ახალთან დაკავშირება;

·         შევძელი თუ არა მოსწავლეთა დაინტერესება თემით;

·         გაკვეთილზე შესრულდა თუ არა დაგეგმილი აქტივობები;

·         წასაკითხი ტექსტის თემებად დაყოფა აღმოჩნდა თუ არა ეფექტური ;

·         შევძელი თუ არა ტექსტის მთავარი აზრის გამოკვეთა და ჩაწვდნენ თუ არა მოსწავლეები მის არსს;

·         მივაღწიე თუ არა გაკვეთილის გეგმით განსაზღვრულ მიზანს;

·         დრო რამდენად გონივრულად დავგეგმე და იყო თუ არა;

რას გავითვალისწინებ შემდეგ გაკვეთილზე.